Thursday, May 26, 2016

किरात राई दुङमाली भाषा संस्कृति संरक्षण मञ्च, जिल्ला कार्य समिति मोरङको गठन

मानव सभ्यताको महानतम उपलब्धी भाषा हो । कुनै पनि जातिको पहिचान र चिनारी उसको आफ्नो भाषा, संस्कृति, संस्कार, रितिरिवाज तथा भेषभुषा सँग सम्बन्ध हुन्छ । भाषाले मावन जातिको सभ्यता विकास र अस्तित्वको पहिचान गर्न सकिन्छ । भाषा कुनै व्यक्तिको क्षणिक उत्तेजना महत्वकांक्षा र चाहनाबाट बन्न सक्ने वस्तु होइन । भाषा भनेको मावन समाज विकासक्रममा आदिम युगदेखिको अथाह अभ्यास र प्रयासपछिको प्राप्त हुने परिणाम हो । जसका सहयताले हामी एकअर्कामा संचार भई भाषा एक विनिमय साधन बन्दछ ।  तसर्थ भाषा मानव जातिको अभिन्न अंग हो । भाषा विना मानव जीवन कल्पना समेत गर्न सकिन्न । त्यसकारण जिल्ला भोजपुर पौवा खेसाङ थुमका हाल गा.वि.स.हरु आम्तेक, श्याम्सीला, तिवारीभन्ज्याङ, याकु, जरायोटर, चम्पे, प्याउली, याङपाङ, चरम्वी, च्याङग्रे, बस्तिम, सानोदुम्मा र ठुलोदुम्माका गा.वि.स.हरुमा बसोवास गर्ने किरात राईहरु मोरङ जिल्लामा बसोवास गरी रहनु भएका दुङमाली भाषीहरुको एकताको निम्ति किरात राई दुङमाली भाषा संस्कृति संरक्षण मञ्च  समिति मोरङ गठन भएको हो । विश्वभर विभिन्न भाषा तथा संस्कृतिहरु लोप हुने अवस्थामा रहेको बेला हाम्रो आफ्नै जातिय पहिचान, पुर्खाहरुले छाडि दिएको आफ्नो भाषा, संस्कारलाई पनि जगेर्ना सकेनौ भने पक्कै हाम्रा आगामी पुस्ताहरुले धिकार्ने निस्चित छ ।
सेउ

0 तपाईंको जिज्ञाश यहाँ:

Comments